Rupert Musiekstigting

Pro Arte word trots ondersteun deur die Rupert Musiekstigting

****************************

PRO ARTE PRODUKSIES
(Direkteur: Susan Maré)
Posbus 302, Bethlehem, 9700
Kantoor: Impalasingel 14, Bethlehem, 9701
Selfoon: 083-469-1597
Telefoon: (058) 303-2589 (na-ure)
Reg. Nr .2008/023404/07

Rig navrae aan: Susan Maré

****************************

Oud-Nederlandse spreuk:

Vrees niet waar weerklinkt het lied
Slechte mensen zingen niet.

Martin Luther:

Wer sich die Musik erkiest,
Hat sich ein himmlisch Gut gewonnen.

****************************

Opwindende 2010-konserte in die mou

Om 2010 mee af te skop kan Oos-Vrystaters solank op hulle stoele begin rondskuif vir 'n handvol opwindende produksies. Kry meer inligting hieroor in Nuus.

	Bobby van Jaarsveld in Februarie in Bethlehem.
	Nataniël gedurende April in Bethlehem en Sasolburg
	Sandra Prinsloo met Die Naaimasjien in Mei in Bloemfontein, Sasolburg en Bethlehem.
	Chris Chameleon op 29 April in Bloemfontein
	Gereelde Sondagoggendkonserte in die Anglikaanse St Augustines-kerk op Bethlehem. Die eerste konsert vanjaar is op Sondag 7 Maart.

Konsertkaartjies is maklik bekombaar!

MENSE wat graag ‘n konsertkaartjies wil bekom vir een van Pro Arte se konserte kan Dries Kotze (produksiesbestuurder) bel by 083-632-0297. Reëlings kan getref word vir ‘n telefoniese plekbespreking en elektroniese oorbetaling of direkte bankinbetaling van kaartjiegeld. Kaartjies sal vir die betrokkenes gehou word by die kaartjiestoonbank en kan op die aand van die konsert afgehaal word. Bewys van inbetaling moet egter aan Pro Arte gefaks word by 086-580-3377 of per epos aan susan333@telkomsa.net.

Computicket

Kaartjies vir Nataniёl se konsert in Sasolburg, Chris Chameleon se konsert in Bloemfontein en Sandra Prinsloo in Bloemfontein, Sasolburg en Bethlehem is by Computicket beskikbaar.

Die Bloemfontein-aanbiedings is in die Kovsiekerk op die kampus van die Universiteit van die Vrystaat, op Sasolburg in die Etienne Rousseau-teater en in Bethlehem by Voortrekker Hoёrskool.

Wenners van konsertkaartjies

Nataniёl in Sasolburg, 16 April: Lizelle Wolmarans en Marlyn Esterhuyse wen elk ‘n dubbelkaartjie vir die konsert. Die kaartjies kan op Vrydag 16 April by Nataniёl se konsert wat om 19:30 in die saal van die Hoёrskool Sasolburg begin, afgehaal word. Meld aan by die kaartjietafel. Die deure open reeds om 18:00.

Pro Arte se bankbesonderhede

Absa Bank (Bethlehem-tak)
Rekeningnommer: 9216267910
Spaarrekening: Pro Arte Produksies
Vir aandag: S.E. Mare
Selfoon: 083-469-1597
Faks: 086-5544-112

*** Meld u naam en kontaknommer as verwysing.
*** Boodskapblokkie: Meld die aantal kaartjies wat gekoop is.

Spesiaal met die hand uitgesoek

Susan sê: "Om kunstefeeste by te woon is altyd 'n buitengewone ervaring maar vir baie Oos-Vrystaters het dit nou 'n luukse geword. Ver afstande, duur brandstof asook peperduur verblyf en kaartjies maak dit vir Oos-Vrystaatse gesinne moeilik om jaarliks van die feeste by te woon.

"Pro Arte wil as antwoord uitgesoeke kunstenaars en produksies op Oos-Vrystaters se voorstoep kom neersit en hulle so te laat deel in die room wat Suid-Afrika bied."

'n Toerismebestemming ryk aan talent

Die Oos-Vrystaat is nie net een van die mooiste streke en toerismebestemmings in die land nie maar word bewoon deur talentvolle mense met 'n buitegewone fyn aanvoeling, waardering en ingesteldheid op die kunste.

Die streek is eweneens skatryk aan musiektalent. Dit verbaas dus nie dat 'n dorp soos Bethlehem in 2007 'n nasionale wenner in Sanlam se instrumentale kompetisie vir laerskoolleerlinge opgelewer het nie of dat die dorp in 2008 vier kandidate in die eindronde van die gesogte kompetisie opgelewer het.

Gehalte, gehalte, gehalte

Pro Arte onderskryf gehalte. Kunstenaars wat spesiaal met die hand uitgesoek is sal deur Pro Arte genader word om Oos-Vrystaters met hul besonderse talente te kom verryk.

Kontak Pro Arte vir optredes

Kunstenaars of impresarios met spogproduksies wat graag in die Oos-Vrystaat wil kom optree word genooi om deur middel van hierdie webwerf by Pro Arte se deur te kom aanklop om 'n verhoog en gehoor te vind.

Oos-Vrystaters wat kunstenaars of produksies wil aanbied vir geldinsamelings of vermaak kan van Pro Arte se professionele dienste gebruik maak om die nodige reëlings te tref.

Oos-Vrystaatse kunstenaars wat groter blootstelling verlang kan Pro Arte nader om vir hulle konsertgeleenthede te vind.

Pro Arte vlieg hoёr, wyer, verder – met arendsvlerke

Pro Arte het sy vlerke wyer in 2010 gesprei en bied nou ook konserte aan in Bloemfontein en Sasolburg. Bobby van Jaarsveld was eerste aan die beurt in die Kovsiekerk op 20 Februarie op die kampus van die Universiteit van die Vrystaat. Op 29 April sing Chris Chameleon vir Pro Arte in die skoolsaal van die Oranje Meisieskool in Bloemfontein en van 5-7 onderneem Pro Arte ‘n Vrystaatse toer met Sandra Prinsloo in Die Naaimasjien van Bloemfontein in die Kovsiekerk op Woensdag 5 Mei na die Etienne Rousseau-teater in Sasolburg op Donderdag 6 Mei en eindig in Bethlehem by Voortrekker Hoёrskool op Vrydag 7 Mei. Nog toere met bekende kunstenaars word in die vooruitsig gestel. Nataniёl tree op Vrydag 16 April vir Pro Arte by die Hoёrskool Sasolburg. Alle inligting oor konserte is beskikbaar by Computicket.